ଏକ ବିକଶିତ ରାଷ୍ଟ୍ର ପାଇଁ ଦୁର୍ନୀତି ମୁକ୍ତ ଭାରତ
ଉପକ୍ରମ:-
ଭ୍ରଷ୍ଟାଚାର ଅର୍ଥାତ୍ ଭ୍ରଷ୍ଟ + ଆଚାର । ଭ୍ରଷ୍ଟର ଅର୍ଥ ହେଉଛି ଖରାପ ବା ବିଗିଡି ଯାଇଥିବା ଏବଂ ଆଚାର ର ଅର୍ଥ ହେଉଛି ଆଚରଣ । ତେଣୁ ଭ୍ରଷ୍ଟାଚାର ର ଶାବ୍ଦିକ ଅର୍ଥ ହେଉଛି 'ସେହି ଆଚରଣ ଯାହା କି କୌଣସି ପ୍ରକାରରେ ଅନୈତିକ ବା ଅନୁଚିତ ହୋଇଥାଏ । ବର୍ତ୍ତମାନର ପରିସ୍ଥିତିରେ ଦିନେ ସୁନାର ଚଢ଼େଇ କୁହାଯାଉଥିବା ଆମ ଦେଶ ଭାରତରେ ମଧ୍ଯ ଦୁର୍ନୀତି କ୍ଷୀପ୍ର ଗତିରେ ନିଜର କାୟା ବିସାର କରିବାରେ ଲାଗିଛି।
ଆଜି ପୁରା ବିଶ୍ବରେ ଭ୍ରଷ୍ଟାଚାର ଓ ଦୁର୍ନୀତି ମାମଲାରେ ଭାରତର ସ୍ଥାନ ଅତ୍ୟନ୍ତ ନୈରାଶ୍ୟଜନକ । ତେଣୁ ଆମକୁ ଭାରତରୁ ଭ୍ରଷ୍ଟାଚାରକୁ ମୂଳରୁ ସମାପ୍ତ କରିବାକୁ ପଡିବ ଯାହା ଦ୍ବାରା କି ଭାରତକୁ ଏକ ବିକଶିତ ଦେଶ ଭାବରେ ପ୍ରତିଷ୍ଠିତ କରାଯାଇ ପାରିବ ।
ଭାରତରେ ଭ୍ରଷ୍ଟାଚାରର ପ୍ରଭାବ:-
ଭ୍ରଷ୍ଟାଚାର ଭାରତରେ ଗୋଟିଏ ମହାମାରୀ ପରି ବ୍ୟାପୀବାରେ ଲାଗିଛି । ଯଦି ଏହାକୁ ଏବେଠୁ ପ୍ରତିରୋଧ କରା ନଯିବ ତେବେ ଏହା ସାରା ଦେଶ ନିଜ ଆୟତ୍ତରେ କରିନେବ, ଯାହାର ପ୍ରଭାବ ଅତ୍ୟନ୍ତ ଭୟାବହ ହେବ ।
* ଭାରତରେ ଟ୍ୟାକ୍ସ ଠକେଇ ବର୍ତ୍ତମାନ ଏକ ସାଧାରଣ କଥା ହେଇ ଗଲାଣି । ଫଳରେ କୋଟି କୋଟି ଟଙ୍କାର କଳାଧନ ବିଦେଶରେ ଜମା ହେଉଛି।
* ଭ୍ରଷ୍ଟାଚାର ଫଳରେ ଦେଶରେ ଦ୍ରବ୍ୟ ଓ ସେବାର ଉତ୍ପାଦନ ମୂଲ୍ୟ ବଢ଼ିଥାଏ ଯାହାର କୁ ପରିମାଣ ସ୍ବରୂପ ଦରଦାମ ବୃଦ୍ଧି ହୋଇଥାଏ ।
* ପୋଲିସ ବିଭାଗରେ ଭ୍ରଷ୍ଟାଚାର ହେବା ଫଳରେ ଦେଶରେ ଅପରାଧ ବଢିବାରେ ଲାଗିଛି।
* ଏହା ସମାଜରେ ବିଭେଦ ଓ ଦ୍ବେଷ ସୃଷ୍ଟି କରି ଥାଏ । ଭ୍ରଷ୍ଟାଚାର ମୁକ୍ଳ ତଥା ବିକଶିତ ଭାରତ ପାଇଁ ଏହାକୁ ରୋକିବା ଅତ୍ୟନ୍ତ ଜରୁରୀ ।
ସମାଜର ବିଭିନ୍ନ ସ୍ତରରେ ଭ୍ରଷ୍ଟାଚାର ରୋକିବା ପାଇଁ କଠୋର ନିୟମ ଏବଂ ଦଣ୍ଡ ବ୍ୟବସ୍ଥା ଲାଗୁକରାଯିବା ଉଚିତ । ନହେଲେ ଭ୍ରଷ୍ଟାଚାର ରୂପୀ ରାକ୍ଷସ ସମଗ୍ର ଦେଶକୁ ଗ୍ରାସ କରିବାରେ ସମୟ ଲାଗିବ ନାହିଁ । ଲୋକମାନେ ସତ ଓ କର୍ତ୍ତବ୍ୟ ନିଷ୍ଠ ହେବା ଲୋକମାନେ ସଚେତନ ହେବେ, ଲାଞ୍ଚ ନଦେବା କରିବେ ଏବଂ ନ ନେବାର ପ୍ରତିଜ୍ଞା କରିବେ।
ସମାଜରୁ ଭ୍ରଷ୍ଟାଚାର ଦୂରୀକରଣ ନିମନ୍ତେ କିଛି ପଦକ୍ଷେପ ନିଅନ୍ତି ତାହେଲେ ଭାରତରୁ ନିଶ୍ଚିତ ରୂପରେ ଭ୍ରଷ୍ଟାଚାର ନିପାତ ହେବ ଏଥୁରେ ସନ୍ଦେହ ନାହିଁ ଏଥି ସହିତ ଇଣ୍ଟରନେଟ ମାଧ୍ୟମରେ ହେଉଥିବା ଠକାମି କୁ ମଧ୍ୟ ରୋକାଯିବା ଆବଶ୍ୟକ । ଦେଶରେ କାର୍ଯ୍ୟରତ ସମସ୍ତ କର୍ମଚାରୀ, ନେତା, ମନ୍ତ୍ରୀମାନଙ୍କର କାର୍ଯ୍ୟଦକ୍ଷତାକୁ ଅବଲୋକନ କରିବା ପାଇଁ ସମୟ ସମୟରେ ତର୍ଜମା ହେବା ବିଧେୟ ।
ଶେଷକଥା :-
ଭ୍ରଷ୍ଟାଚାର ଆମର ନୈତିକ ଜୀବନ ମୂଲ୍ୟ ଉପରେ ସବୁଠାରୁ ବଡ ପ୍ରହାର ଅଟେ । ଭ୍ରଷ୍ଟାଚାର ରେ ଜଡିତ ଥିବା ଲୋକମାନେ ନିଜ ସ୍ବାର୍ଥରେ ଅନ୍ଧ ହୋଇ ରାଷ୍ଟ୍ରର ନାମକୁ ବଦନାମ କରୁଛନ୍ତି । ଭ୍ରଷ୍ଟାଚାର ବିରୁଦ୍ଧ ଯୁଦ୍ଧରେ ସାମିଲ ହେବା ଏକ ଶୁଭ ଘଟଣା କୁହାଯାଇପାରେ କାରଣ ଭ୍ରଷ୍ଟାଚାର ଆଜି କେବଳ ଗୋଟିଏ ଦେଶର ସମସ୍ୟା ନୁହେଁ ଏହା ସାରା ବିଶ୍ବର ସମସ୍ୟା ପାଳଟି ଗଲାଣି ।